Le int dal Fogolar Furlan di Windsor a proven da le region Furlane dal Nort/Est d'Italie. Le region a iè bielissime, a confine cun le Slovanie, Croazie e Austrie, a iè circondade di montagnis, le Dolomitis part das Alpi.

Le storie a Furlanie si pò tracià di centenars di secui, e le lor int erin dedicas a le agricolture e a une artisanie autonome. I vons Furlans avevin fuarze fisiche e di spirit, in plui une disposizion ca no veve paragon. Le region a iè stade governade di unevore di personis, come ca dis le storie, e ogni un a lassat les lor carateristichis ca son anchemo vivis al dì di vué. El Impero Roman nu sa dat le lenghe, el "Furlan," une lenghe un poc volgare. I Longobards dal sest e ottaf secul, nus an dat l'amor di agricolture e le artisanie. An seguit I ains dal medio Evo qant che an fabricat ciastiei come ricordo un famos patrimoni anche mò viif al timp di vué.

Le glesie di Aquilee dopo a sostignut el popul fin quant le Republiche di Vignesie a ciapat les redinis. Sot le lor guide, el Friul a la subit unevore di cambiamens e mioramens; an finit di svilupà robis artistichis e anche le lenghe furlane a miorat. Però quant che le Republiche Veneziane ie colade, el Friul purtrop a le stat dividut fra i frances di Napoleon e l'Impero di Augsburg. Napoleon a la creat plui divisons, pero ta le prime part dal 1800, le int a ciatade le fuarze di rinovasi abolint les vecis usancis e rifuarza un stat civil. Chest timp le stat une prove importat ta storia dal Friul, le int a superat les contrarietas e an vut el coragio di continua cui i lor valors e le lor vite. Le vite particolar dai Furlan a iè trasferide in Canada e in particolar a Windsor dulà che un grup di omps e feminis an comenchade une vite gnove. Erin tant ambizios, dopo lassat le lor patrie distrue da guere e di tragedis, el lor spirit a la fat lusignis tal fuc dal Fogolar. El Fogolar al significhe el cur, come che el ciavedal a le' el centro da fame dulà ca si radune le fame. Dopo le seconde guere mondiâl a partat une grande onde di emigrans in Canada. I furlans si non ciatâs in une tiare straniere, cun une culture tant diferente e purtrop cence savé le lenghe inglese. Tai pais dal Friul si radunavin di domenie tas ostarie o bars a gujà di ciartis o bevi un tai. Chi no vevin nissun, omps come lor un poc piardus, cusi un pos di lor an decidut di agi e partà donjie le tradizion.

Un da comitive, Giuseppe (Bepo) DeMonte, a la decidut di ciapà les redinis in man e formà un comitat el 14 di Avril dal 1961. Chest grup di omps a si radunavin spês ta cantine di John Masotti; cun dut l'entusiamo ca vevin el grup si ingrandive simpri di plui finchè an cugnut cambià el puest di ritrovo, son lâs a finile sul club Polac sul Langlois e Hanna. Le prime assemblee di 32 membros a iè stade fatte el 24 di novembre dal 1961. Di vôs a vôs, el club al cresceve, al deventave simpri plui popolar, finchè ta Primevere dal 1962, an fat I prins plans di preparà un banchet par 300 personis, membros e non membros. Dopo di cheste fieste, tante int a son iscris al Fogolar Furlan e tal 1963 an decidut di fa domande at governo Provincial di daur i articui di Incorpazion come Club. Le prime domande iè stade respinte. Tal fra-timp, i nestris socios an disegnât un simbul dal Fogolar el "CIAVEDAL" e chest a la radunat anchemò Furlans. Dal 1964 erin iscris 140 membros cusì an decidut che une sede ere necessarie. I membros an dat un imprestit al Club cence interes, finchè in novembere dal 1964 a vin dade le caparre par comprà 24 acres di teren sul 1800 E.C. Row, ta ache volte sot dal Comun di Sandwich East. Dopo siet diis el governo a la acetât le domande di incorporazion e cusì erin in regule cun le leg dal Ontario.

Quant che les ciatris erin duties compiladis e dut al iere a puest, i Furlans e el lor spirit son vignus fuarz. Cumò an di pensà a dut el lavor cal vignarà fat. I furlans si on metus in fuarze a netà vie el teren e trasformalu come un parco; an metut su un cartellon cal diseve "Gnove sede del Fogolar Furlan di Windsor." In primevere dal 1966, el prin fabricato le stat erijut cun material un poc omprât e un poc regalat e le manodopere dute gratis. Cul timp el Club a le cresut.

Le prime structure iè stade finide dal 1966 come le vedude de fotografie. Tai prossim 10 ains vin costruit altri salis come Dante Costa, une zone par fa spuntins al fresco (Picnic) par comodà el grup dia gnuv membros. Tal 1979 vin comenchat a buttà iù murs un'altre volte, vin ingrandit le prime sale, fate un'altre, fate une entrade pitturade di scenis di vendemmie. Chest a le stat fat cun le mandopare dai nestris volontaris, a vevin metut su un tabellon la di fur "SBRUNT CONSTRUCTION" savês cè ca lul di sbrunt. Dopo tant lavor le gnove sale ca si pò divide a metat a iè inaugurade al 30 di mai dal 1981. Cusì avevin dos salis nominadis Canada e Friuli. El guc di bocce ere un attivitat godude di un biel numar di socios e amiis, e anche les feminis erin interessadis. Quindi tal 1983 vin fat plans di fabricà un sport complex cun 8 campos di bocce, gimnasio, servizis, salutis, un'altre sale disore cun une cusinute par fà fiestas plui semplicis.

Apene passat el 2000, nus à vignude le fiere di costruì anchemô. El gimnasio a no lere usat tant e an fas plans pal futuro di cambià dut. Tal fra timp an smaltat el difur dal Sport Complex, rinominat alle fin dai lavors "Udine" viart barcons, trasformade une salute come un ritrovo par reunions però dedicade a les feminis dal grup di miarcus, ca cusin, lavorin cun le lane, fasin calzins, pijamus e iu regali a les organizazaions ca regalin ai puras di chi e fur pal mont. Le salute si clame Pordenone in onor da provincie.

El grup di omps dedicat al svilup dal Club avevin fat anchemò plans di ingradiment, però vin dade preference a fabricà une cusine gnove, al nort das salis. Un'altre volte i volontaris son vignus a iudà come fedei socios ca son. Iè fate dute di piastris, dut gnuv, fôrs, macchinis gnovis; iè riuscide une maravee. I preventivs si giravin sui doi millions, invesi cul contribut dai volontaris el cost si à girat sui un milion e quatri. Le gnove cusine iè stade benedide el dì da fieste dal papà dal 2004. No ur veve gnanche sechat el sudor, che an comenchat a fà plans par dismantelà el ginnasio e trasformalu in une biellisime ultra moderne sale ca si pò dividin in dos parts. El sufit a là doi disens rotons, cu lus a tor a tor a dà l'impression cal sedi une nav-fusete. El bar fat di marbul a le biel, el chaminet al dà presence e calor a le sale, pavimens di len dur, nanche di crodi cal iere stat un ginnasio. Dut a lè moderno "state of the art sound system," televisors ecc. par comodà le int dal dì di vuè. El projet le stat finit tal mes di setembre dal 2005.

Sot dai morars a vin fat su une biele capele dedicade ai nestris socios ca son passas tal altri mont. Dentri a son iscris i nons dai muars, e ogni an a lein duch i nons a le fieste dal papà. Le capele iè stade benedide dal 2002, le dediche iè scitte par di fur.

A no sin fermas dopo 4 ains di costruzion, vevin anchemò impresis di fà. La tal ciamp, a guin di balon e altri sports, cusì a vin fat su un capanon, nominat Fogolar Pavillion; li dentri a son duch i services, cusì i guiadors no vevin bisugne di ientrà tas salis. Anche chest edifizi le stat benedit el 18 di juin dal 2006.

Dopo celebrat 45 ains di ativitas social, el Fogolar Furlan a si considere fortunat di vé vut success come club. A si contin in 720 socios (242 muars) e a cirin di tirà dongie I zovins ca nus daran une garanzie che le nestre culture, tradizions, e usancis a puedin continuà. Fra di no tal Fogolar Furlan a lavorin viars une fin, stimulà e protegi le nestre furlanitat fra dute le comunitat.